吉豚屋吉列豬扒專門店 (已結業)

日本食店一直响香港都有一定的市场，有各式各样的专门店可以食到不同的日本美食。但系专食吉列猪扒的，真系好少见。今次响九龙湾淘大花园，见到一间新开的吉列猪扒专门店，一定试一试美食先。因为11月26日至12月2日新张期间，店舖仲要试业型式，但系就有新张试食优惠，限定四款定食中，全部都系一律50元，仲要免收加一，真系好抵。其实个餐牌都仲有好多野食选择，当然系清一色系吉列猪扒系列。点左两个餐，吉列猪扒定食和滑蛋猪扒饭。等唔够一阵，好快已经有得食，比想像中快好多。先试下个滑蛋鸡扒饭，鸡蛋好滑，而且个猪扒炸得好脆，仲要系好热，好明显系即叫即炸。而且份量亦都足够再试下个吉列猪扒定食，定食中仲有一碗豚肉汤，碗汤味道好浓，而且仲有几片豚肉，味道很新鲜。比起一般日本食店饮味噌汤，都算特呀跟住试下个吉列食扒定食，猪扒和饭分开上，配埋芝麻汁点猪扒食。猪扒一定炸得很脆很新鲜，而且块扒唔系好油，师父应该炸完上菜时，用吹油纸去左一转油，所以猪扒食落唔觉得肥腻，而且口感不错，果然做吉列猪扒的专门店整体来讲，如果以原价价钱，能有呢个水准都不错呀。但系只系猪扒跟饭，好似欠少少。如果吉列猪扒可以跟住有乌冬或者拉面食，可能仲好