嘩鬼拉麵 和風料理 (已結業)

那天番下昼工，好鬼累，食个lunch，知道呢间有露天位，最啱煲烟，咪食个拉面餐试下啰。我叫咗个吉猪拉面餐配蕃茄汤底，有埋蟹籽沙律，和饮品，价钱50皮，OK抵。抵但服务麻，座出去等好耐先有侍应理下我，无计，小店啲服务系元朗区十之八九都系差。但拉面都快到，吉猪水准真系唔差，外皮够酥脆，肉入面juicy，腌得够味，即叫即炸，好正。蕃茄汤底，我觉得唔够浓郁，无茄味，只有酸酸甜甜味，叫猪骨汤可能重好味，拉面合格，但碱水味重，食落都弹牙。沙律菜新鲜，OK，但奶茶唔得，无茶味，顶唔到瘾。