Kyung Yang Katsu

营业中

休息中

韩式炸猪扒今次系第一次食，好处系多咗泡菜元素、韩国特色嘅配搭以及多种嘅酱料，感觉都几有惊喜。🥢芝士&炸虾套餐$188香脆吉列外衣包裹住薄猪扒，而内层藏着满满拉丝芝士，虽然系薄猪扒，但口感都几弹牙，配合QQ口感嘅拉丝芝士一齐食，呢个组合一流；另一主角，炸虾外面松脆唔油腻，而且都非常大只、新鲜又鲜甜，好正👍。🥢吉列猪柳&炸虾套餐$188 猪柳松软得嚟又有口感，猪味浓香，吉列皮咬落爽脆唔油腻；呢个餐亦有炸虾，同样可以享受到双重滋味😋。套餐包咗煎鹌鹑蛋饭、泡菜冷面、沙律椰菜及前菜2款👇：饭嘅鹌鹑蛋细细只但蛋黄超浓香。泡菜冷面清爽解腻。前菜2款有白菜及韭菜。套餐内仲有几款不同嘅酱料可以配搭炸物以增添风味，有松露盐、甜甜地嘅炸猪扒酱、清爽wasabi、咸鲜虾仔酱及香甜芥末籽酱，仲要好有心思地砌咗个笑面，真系未食先开心。