丼丼屋 (德福廣場) (已結業)

去完邮轮码头，两大三小去医肚，虽然未够七点，好多餐厅门口已经开始排队！呢间唔使！被安排坐大卡位！好阔落！日式浅木装修，光猛干净！店员好细心，见到有小朋友，已经换定儿童餐具！食品选择都好多！叫了：烧玉子卷--新鲜热腾腾，好厚身唔会硬，蛋味之外仲有甜味！配少少白萝卜蓉食！好味道！温泉玉子冷乌冬--乌冬弹牙，捞埋蛋汁一齐食！又滑又弹！滑蛋猪扒丼--炸猪扒外脆内软，有少少肉汁，滑蛋juicy，夹埋捞珍珠米一齐食！正！刺身沙律--刺身好多款式，鱼肉大粒新鲜！蔬菜爽口，配酸甜柚子汁好开胃！味淋鱼干--烤鱼干热辣辣，点沙律酱食好香口！吉列广岛蚝套餐--炸蚝外脆内软，炸酱薄，无腥味，好juicy!仲可以自己磨芝麻捞吉列酸酱，减低吉列炸物油腻感！套餐珍珠米弹牙，椰菜丝好新鲜juicy,我捞芝麻酱好好味，食多两客！面豉汤够热！味道正常！食完主菜，可以优惠价加甜品！加了两客！朱古力脆脆新地--雪榚少，脆脆多，捞雪榚其实好味，但去到底时无雪榚，就好干，好像食泥沙咁！宇治金时新地--呢个好味，雪榚配甜糯红豆，烟韧绿茶丸子，味道好夹！服务都唔错，店员勤快之外，都几细心，叫人一举手都即刻回应！上菜收碟都好有礼！食物