龍門冰室 (已結業)

去开屯门龙门居买嘢，原来𠮶边都好多嘢食，lunch 时间去到见到龙门冰室无乜人等位，于是入去食个午餐。餐牌选择多不胜数，又想食吉列鱼，又想食吉列猪，于是同朋友一人一个餐，黑椒吉列鱼柳拼流心奄列意粉，同埋秘制咖哩厚切吉列猪柳意粉，冻奶茶及冻柠檬茶。黑椒吉列鱼柳拼流心奄列意粉吉列鱼柳厚身，鱼肉雪白够juicy，黑椒汁似洋葱汁加黑椒，唔会好似出边啲餐厅咁辣，流心奄列有洋葱和磨菇，口感丰富，意粉唔会太淋好食。秘制咖哩厚切吉列猪柳意粉吉列猪柳比鱼柳略为炸得过火，好彩猪柳肉质够淋，配咖哩汁味道吸引，秘制咖哩汁如果𩠌白饭相信可以食得更多。