吉壽日本料理 (已結業)

每次系旺角谂唔到食咩，行行下就会去左食放题。今次谂去吉寿，呢度十分就脚，就系正港铁站口就系。两人食关系，款款都想食之下，今次策略系贵精不贵多。头炮当然系刺身!🤣三文鱼，油甘鱼都系厚切上，好肥美。甜虾，赤海虾，带子等等叫几多上几多，都几公道。而且几款都新鲜，不错。见到有海胆手卷，忍不住每人叫了一只，餐厅体贴，手卷是迷你size,等大家都唔怕饭太饱肚，紫菜又够脆卜卜，加分!这时候见到好多小炒都有得嗌，点左炒圣子。炒得好香口，圣子又洗得干净无沙，抵食!之后又点少得炸物。芝麻鸡翼炸得出色，香口又薄皮。炸物仲有一样系必食既，就系榴梿波波，浓香榴梿味真系有d想encore.炒牛柳粒送汽水啤酒，系同friend子吹水必备。有咬口又烟韧。除左榴梿波波好食，呢个炸360牛乳都坚好食，甜而不腻。串烧都系呢度拿手食物，新鲜生虾不错。串烧牛舌同样是吹水必备之一。烧菠萝系另一必嗌之选，完美平衡解热气之烧物。怕食得多生冷野既朋友仔补番个蟹粥，真系一流，暖暖个胃，非常舒服。甜品方面，其实有非常多选择，雪糕，蛋糕啫，喱，西瓜全都有，但真系超饱。所以选择左呢个轻盈豆腐花过过口瘾就算。完。