吉野家

营业中

休息中

通常嚟吉野家都系食牛肉饭，或者牛肉火锅，但因为近期食牛多，见到汁烧豚肉丼，就试下啦，再加只温泉玉子和麻酱菠菜，仲有跟餐的面豉汤，变成丰盛的早餐。汁烧豚肉丼的烧汁同豚肉好似唔系好夹，个汁本身冇问题，可能系豚肉索唔到D汁。另外，豚肉冇牛肉咁容易咬得开，肉质比较韧，但都食到嘅，好彩又叫温泉玉子，豚肉加埋流心玉子一齐食，肉身会较香滑。至于麻酱菠菜，睇个样都似模似样，食落口味道都唔差，但咀嚼咗一段时间，完全咬唔开，无奈要吐返出嚟。谂住可能系刚才个扎菜先系咁，食第二扎都系一样，成碟都食唔到，虽然系$3，但觉得好浪费钱同食材。面豉汤就一直都系正正常常，唔会太咸，中规中矩。总括嚟讲，吉野家都系食牛稳阵，有名你叫吉野家牛肉饭呀。