太興 (已結業)

师傅见今日闷闷地, 于是决定由湾仔行去铜锣湾顺便食个午膳, 但就漫无目的地行, 终于行到黎呢间食店面前, 谂左三秒决定入去试下, 因为师傅从来都未黎过!入到去唔算好多人, 可能系时间尚早嘅关系啦, 伙计安排坐底后, 跟住就放低杯清茶! 好, 睇下有咩好食先, 睇睇下师傅都有d三心两意咁, 最后都系决定系食烧味饭, 因为呢间食店叫做烧味连锁店, 所以冇理由唔试, 于是就柯打左个叉烧饭同冻柠檬茶!于是喺等嘅过程中, 师傅觉得有d口渴, 所以想饮啖清茶, 点知一攞起只杯, 准备放入口时, 师傅闻到好重漂水味, 前后将呢个动作做左两次, 最后都系放弃, 咁重漂水味点饮呀?一息间叉烧饭就放左喺师傅面前, 其实喺落单前, 师傅见到佢个餐牌上有个温馨提示, 就系如需多饭, 佢地系可以比多d你嘅, 撞啱今日师傅鬼咁肚饿, 所以都要多饭; 点知一放底个叉烧饭, 师傅就发觉原来要求多饭都系得咁少, 如果唔叫佢多饭, 好可能真系唔够食㖞! 先试下个叉烧, 叉烧系半肥瘦, 有蜜味, 甜甜地加上肉质够松, 都几好味; 白饭配佢嘅豉油汁都叫可以, 因为豉油汁唔算太咸, 甜甜地都几好味; 冻柠檬茶都算大杯, 茶味都