墾丁茶房 (已結業)

谂住是但食个饭，以为呢间台湾嘢应该有啲特别卦？但个餐牌好似同一叶小厨差不多咁？呢个猪排，都淋嘅，不过好普通。同埋啲蔬菜有啲多油。台式三宝肉燥饭，我拣咗糖醋鸡柳，鸡翼，同埋煎肉饼。佢嘅肉燥都几好味，而且由于有好多𩠌菜，仲有啲酸菜同埋蛋俾你捞饭，所以觉得非常丰富。不过初初佢比错咗猪软骨，后尾就换返糖醋鸡柳。如果有多啲菜就健康啲啦。因为全部都系肉都几肥腻㗎。服务方面就不过不失啦。餐厅嘅座位都坐得几舒服，而且都好多枱，所以都唔怕坐得耐或者要等位㗎。