東記上海麵

营业中

休息中

作为一个九龙人，长途跋涉专诚去大埔梁九记买冻肉（不过而家已经唔算好抵买了），梗系早啲入去食大埔街市猪扒面喇。我地一行4人，原来阿妈系食开东记，我之前系食世记（最尾有东记vs世记比拼），横掂未试过，咪食下东记啰。四人都叫双拼，2份猪扒；2份鸡翼，炸物系食唔晒既！猪扒炸得脆，味道都ok，但好干。干到份量虽然多，但食到尾系唔想食既，因为干到𠝹口。粗面太淋，有啲霉既感觉。鸡翼，外脆内软，味道也洽到好处雪菜肉丝及榨菜肉丝既份量都几多。老实讲，食世记系好耐之前，已经唔记得咩味道，所以当刻比较唔到。之但系第二小队到达，我叫佢食世记，我又痴几啖食下，就得出以下评分猪扒：世记胜 东记及世记同样炸得脆口，但世记的猪扒内里较有肉汁，味道又ok。当然唔可以同日式吉列猪扒比，唔好幻想会有好香猪味，脆口有肉汁已经好好，性价比高。面：打和两店的粗面都煮得太淋，食落口一旧旧粉咁，食幼面应该会好啲！鸡翼：食鸡翼就去东记都唔会差。笔者喺世记无叫鸡翼，不能对比。但冬记记的鸡翼是ok的。