影片
更多
2013-10-24
480 浏览
讲咗咁耐, 呢日终于都同男友仔黎呢度一试!!!其实选择唔算多, 只系有几间, 男友仔转咗 2 个圈之后就已经有决定, 哈哈~佢拣咗呢间『无双』!!Order 咗一碗: Moso Special Ramen, 再加钱要咗个 Gyoza 煎饺子~跟住揾个位坐低, 就一边倾计, 一边等个 order key 著灯震震…“de~~ de~~ de~~” 灯仔一闪一闪, 可以去拎野食啦!!每间舖头既旁边, 仲有少量其他调味料自取, 比如: 蒜蓉、辣粉、鱼粉…等等~充满期待咁望实男友仔去拎拉面, 哇!! 好似好大份咁… 碗面都系一堆芽菜, 份量适中!!旁边围住 3 片叉烧, 同埋一只切开咗既流心蛋… 反而. 旁边果碟饺子貌似更吸引, 哈~先试一口汤底, 嗯… 所谓既猪骨+鸡骨汤底, 味道唔算浓郁, 清清地偏淡~面条, 系一般拉面质, 煮得唔过淋有咬口, 挂汤能力就差咗少少…叉烧, 肥瘦尚可, 偏瘦所以无咩油脂感, 还好肉质尚算松化, 普通啦!!流心蛋, 又系………失望!!!!! 微弱既蛋香味还可以, 可惜根本蛋心已经近乎全熟状态, 何来流心!? 所以…扣分!!!饺子, 反而真系比拉面吸引, 煎得一
其实选择唔算多, 只系有几间, 男友仔转咗 2 个圈之后就已经有决定, 哈哈~
佢拣咗呢间『无双』!!
Order 咗一碗: Moso Special Ramen, 再加钱要咗个 Gyoza 煎饺子~
跟住揾个位坐低, 就一边倾计, 一边等个 order key 著灯震震…
“de~~ de~~ de~~” 灯仔一闪一闪, 可以去拎野食啦!!
每间舖头既旁边, 仲有少量其他调味料自取, 比如: 蒜蓉、辣粉、鱼粉…等等~
充满期待咁望实男友仔去拎拉面, 哇!! 好似好大份咁… 碗面都系一堆芽菜, 份量适中!!
旁边围住 3 片叉烧, 同埋一只切开咗既流心蛋… 反而. 旁边果碟饺子貌似更吸引, 哈~
先试一口汤底, 嗯… 所谓既猪骨+鸡骨汤底, 味道唔算浓郁, 清清地偏淡~面条, 系一般拉面质, 煮得唔过淋有咬口, 挂汤能力就差咗少少…
叉烧, 肥瘦尚可, 偏瘦所以无咩油脂感, 还好肉质尚算松化, 普通啦!!
流心蛋, 又系………失望!!!!! 微弱既蛋香味还可以, 可惜根本蛋心已经近乎全熟状态, 何来流心!? 所以…扣分!!!
饺子, 反而真系比拉面吸引, 煎得一身金黄, 外表已经有优势!
咬一啖, 外脆内软, 肉质松化, 而且仲有肉汁, 再点埋酱汁, 好味!!!
估唔到, 饺子会比拉面优胜!!!!
个 set 分量唔少, 食完又系超级饱肚, 可惜…食味同质数只属一般~
所以总结系, 我同男友仔都觉得, 同果个『男人』一样, 不值回头!!!
张贴
