極品煮意 鷄煲.烤魚.火煱 (已結業)

前几晚同朋友去完葵广shopping买平衫，见饿饿哋就去返之前食过嘅餐厅食鸡煲😋😋😋😋😋，去到餐厅见到隔离枱食酸菜鱼，好似仲吸引咁，所以就临时转軚嗌酸菜鱼嚟试下😂😂鸡同埋鱼都有唔同煮法，好多花款！等紧上菜嘅时候，我去咗出面拎呢个泡椒鸡脚，少少辣！好惹味！一上枱就闻到好香，煮多十分钟就食得，呢只酸菜系带点甜味嘅，同平时食开嘅咸酸菜有些少唔同，不过同样开胃好食！鱼肉系比较厚实，少骨，我几钟意呢个口感！真系劲大条呀！不过两个人都清得晒！呢到分出去拎食材同埋有部分食材要填纸仔拎！出去拎嘅食材都好多款式，一般打边炉常见嘅食材都有！有啲肉喺正价时段先供应，我每款各tick咗一碟~~美国安格斯牛最好食，油脂分布唔错！除咗一般汽水，仲有橙汁同豆浆！唔同款式嘅面可以任拎，惊你唔饱😂😂原来呢到会每位送一只虾，劲劲劲弹牙，又够晒鲜甜，不过如果要再食就要加$68一碟，我哋见出面仲有咁多嘢食就冇加钱要了！