新竹園軒

营业中

休息中

新同事Welcome Lunch🎊我地拣咗系公司附近呢间粤菜饮茶🍵平时都有帮衬开，因为贪佢抵食得嚟啲嘢又好食！lunch hour就全场爆满，要订位，餐厅装潢好靓，最紧要系干净！叫咗几款招牌点心：先上嘅凉拌黑木耳，细细粒嘅黑木耳相当爽口，每件大小适中，易入口，好啱做前菜嚟开胃🫡呢度虾饺好大粒，虾肉厚实弹牙，胜在皮薄，必食招牌点心❕青瓜蒜蓉醋调配适宜，唔会太酸亦太重蒜味。青瓜切得细粒状，一啖一粒啱啱好，而且好fresh。食咁fresh 嘅野就系为左邪恶铺路....椒盐鲜鱿不得了，鱿鱼须好新鲜，一咬就分开唔会好似香口胶咁。而且个外皮完全唔会好油，个炸浆好适中唔会太厚，唔会太淋，炸得又够脆，椒盐份量都好够🫶🏻豉汁蒸凤爪比起其他地方嘅份量比较多，令我哋好impressed，蒸煮得变得好软糯，易脱骨。豉汁都好正咁渗透肉质入面，带有微微嘅甜味同咸香。