影片
更多
2017-01-09
2506 浏览
同事一直大赞呢间好好食, 仲要一星期去两晚, 搅到我鬼死咁想去食, 啱啱沉日行完百万行, 班同事话想去食韮菜猪红, 咁就嚟咗祥利喇。坐低原来打冷嘢要夜晚先有, 即系无韮菜猪红啰, 同事叫咗仔粥同砵仔焗鱼肠, 我仲叫咗我去到边度, 有就一定会嗌既炸饼同炸大肠(佢系椒盐白饭鱼并的), 想加个菜, 大厨推介虾干炒菜苗。因为系下昼2点几, 我哋系落场前最后一枱客, 佢上菜真系传说中好快㗎, 仲好热添。老实讲, 打冷店嚟讲, 佢就唔算干净喇, 地下好滑, 我觉得坐得唔系咁舒服同放松啰, 平时去街边打冷可以好hea㗎嘛。仔粥 : 同事叫走芫茜, 我谂有芫茜其实会好食啲, 我唔食腌菜的, 佢落超多冬菜, 喊到苦, 汤唔多, 饭就多, 系饭呀, 一粒一粒好硬既饭呀, 与其叫佢仔粥, 我谂叫佢冬菜仔泡饭会比较适合, 不过仔都算多既 (呢个大既$70, 仲有中既$60, 细既好似系$45)炸饼: 仔唔多, 而且好细粒, 蛋同粉就好多, 炸得系靓㗎, 不过㶶咗啲, 边亦无。仲有佢个鱼露系十级咸, 得个咸字, 无其他味, 所以好钟意食既我, 食咗一角仔就放弃咗, 无鱼露又失色嘛, 如果要食
因为系下昼2点几, 我哋系落场前最后一枱客, 佢上菜真系传说中好快㗎, 仲好热添。老实讲, 打冷店嚟讲, 佢就唔算干净喇, 地下好滑, 我觉得坐得唔系咁舒服同放松啰, 平时去街边打冷可以好hea㗎嘛。
仔粥 : 同事叫走芫茜, 我谂有芫茜其实会好食啲, 我唔食腌菜的, 佢落超多冬菜, 喊到苦, 汤唔多, 饭就多, 系饭呀, 一粒一粒好硬既饭呀, 与其叫佢仔粥, 我谂叫佢冬菜仔泡饭会比较适合, 不过仔都算多既 (呢个大既$70, 仲有中既$60, 细既好似系$45)
炸饼: 仔唔多, 而且好细粒, 蛋同粉就好多, 炸得系靓㗎, 不过㶶咗啲, 边亦无。仲有佢个鱼露系十级咸, 得个咸字, 无其他味, 所以好钟意食既我, 食咗一角仔就放弃咗, 无鱼露又失色嘛, 如果要食炸既, 食过既商舖中我会推介北角七姊妹道既阿一猪扒酸辣米线既炸饼, only炸饼咋, 佢啲米线无咩特别, 都几多人排队㗎。
虾干炒菜苗: 咸啰, 同埋同事话呢啲叫菜苗咩? 成条芥兰咁粗既??
砵仔焗鱼肠: 好多鱼肝, 好少鱼肠, 至少我一大匙插落去食唔到鱼肠啰, 好干身, 可能因为我净系食到肝, 食唔到肠, 个边鬼死咁㶶又硬, 入面就得肝, 唔好食。
椒盐白饭鱼并炸大肠: 呢个就一般般啦, 算系唔错, 不过又唔叫得上好食, 大肠都够脆, 味道都可以, 椒盐白饭鱼就都系𠮶个鱼露出事啰, 要系呢度食炸嘢, 自己带支鱼露去先好点菜, 哈哈。炸大肠我推介泉章居。
班同事个个系度话好食, 系我觉得好唔ok, 出到去门口我先系度讲每个菜有咩唔ok, 佢哋和议㗎㖞, 但系依然觉得抵食好食, 我觉得系因为啲菜色比较少见, 香港唔系度度有得食, 揾到一间有既就觉得好喇, 据我话呢, 屋企阿爷整既鱼肠蒸蛋好食过佢多多声啦, 佢既炸大肠亦不及泉章居, 饼亦不及阿一猪扒, 如果要食呢啲菜色, 其实深圳大把啦, 我上开惠州陈江, 食开间新铁涌好味大多喇。睇吓你同边度比, 系香港既话, 咁既质素可能好多人已觉得满足, 因为食唔到嘛, 物以罕为贵啫, 唔系因为好食啰。
我就唔会再encore啰~
仔粥、炸饼、虾干炒菜苗、砵仔焗鱼肠、椒盐白饭鱼并炸大肠
$430
119 浏览
0 赞好
0 留言
题外话/补充资料：
个大厨好多口, 不停唱歌同讲嘢, 人哋系度倾偈又关佢事, 搭晒嗲, 讲既嘢仲好干扰吓, 好似我哋个个菜色都影snapshot, 佢就叫你唔好咁影, 上晒菜影先够威, 其实snapshot同全部上晒影全家幅系两回事嚟架啰, 佢真系我哋讲每句话, 佢都要加把口㗎, 懒风趣咁, 其实有啲过火, 好骚扰。
(以上食记乃用户个人意见 , 并不代表OpenRice之观点。)
张贴
