Goobne Chicken (V Point)

营业中

休息中

话说喺铜锣湾返工咁耐，我有位同事食呢间野食得好狂，一个礼拜总要来一次。今个星期我就跟咗佢嚟食，体验下究竟有几厉害。Lunch set其实都几抵食，我拣咗个有鸡同埋饭，有沙律同嘢饮嘅午餐，酱汁叫咗咖喱蜜糖，由于佢唔系炸鸡，系烤鸡，所以应该冇咁热气。而且酱汁都好足够，唔似出边𠮶啲韩国炸鸡咁系加味精粉，呢个位系的确几欣赏嘅。感觉佢啲鸡真系几新鲜，而且拣选嘅部位都好多肉，唯独系啲白饭比较硬左少少，不过食𠮶啲鸡都够饱～另外叫咗个韩式辣年糕加即食面，我见佢餐牌上面有三只辣椒应该好辣，加上我同事食过极力要求微辣，最后好彩都真系叫咗微辣，因为佢都真系几辣。其实最欣赏嘅系咩呢，系佢喺25楼咁高，望番落去平日嘅铜锣湾，都真系几chill。