California Pizza Kitchen (已結業)

一大班同事的午餐, 罗汉请观音, 有人生日。 但系又冇share嘢食㖞, 各自各嗌自己嘅。 都好嘅唔使烦, 自己顾自己食唔食得饱就ok啦。基于咁嘅原因, 我梗系冇嗌pizza啦。食得比较清淡嘅我, 拣咗呢个 <墨西哥特色鸡肉菠菜阔面>, 贪佢斋斋地, 又感觉健康啲。先呢一个<青豆薏米蓉汤> , 好好饮, 口感好好, 蔬菜新鲜嘅味道, 而且够温度, 暖暖肚开开胃。<墨西哥特色鸡肉菠菜阔面> 嘅卖相唔错, 你睇𠮶粒青柠, 以为装饰, 加咗落个阔面度, 食咗成个人都醒神晒, 味道唔同晒, 层次多咗。 调味唔错, 有新鲜感, 菠菜阔面烟韧度适中。<热奶茶> 系酒店式𠮶种, 所以我冇嘢好讲。 但唔难饮嘅, 只系我唔钟意啫。