銀座蔵人 (已結業)

是日同同事庆祝生日，几个女仔，一早订位，一上到去，即刻有位！不过… 一早订左5个人，点解畀个4人位我地呢﹖而且佢啲餐全部都大大盘，搞到我地坐得逼左啲。我地大部份都叫左021号餐「五目饭味噌酒粕汤定食」($88)。有面豉汤，刺身，天妇罗同五目味饭。好唔好食呢﹖OK啦，尼个餐胜在咩都有啲，有热又有冻，系尼啲阴晴不定嘅天气之下食下都唔错。个汤好明显系味精汤，但味精汤得嚟又唔算太过份，个饭睇个名就知系淡味嘅饭，而虾刺身就几新鲜，三文鱼刺身不过不失。要赞嘅系个 wasabi唔系好假一味超攻鼻果啲，系有wasabi味嘅wasabi。最后有个小小地嘅绿茶雪糕同一杯嘢饮。用$88食个午餐系贵左啲，但以食物内容嚟计都值嘅，不过都系有事庆祝「食好少少」先至会去。