山崎麵飽

营业中

休息中

天水围站📍山崎面包柠檬芝士蛋糕（$148）同事生日又到买蛋糕嘅时候喇，外卖平台选择真系唔系好多，不过咁啱见到山崎原来都有得蛋糕外卖，呢个柠檬芝士挞只系$148就有一磅，都几抵㖞！卖相来讲呢就冇其他蛋糕咁靓，不过简简单单庆祝都唔错啦。面头有一层柠檬浆，蛋糕入面都有少少柠檬酱夹心，外面有少少杏仁脆片。成个蛋糕食落就好清新，唔会觉得好Heavy，面头𠮶粒士多啤梨系我哋自己加落去嘅。一磅来讲六个人食都够晒啦，不过外面陈cream就略嫌多咗少少。$148咁嘅质素都算唔错啦，如果佢有多啲款拣会更加好。大家都不妨试吓啦。