珠江酒家

营业中

休息中

开心星期五同同事聚下旧，最钟意麻甩饮下啤酒食小菜。同事介绍下去试呢间老字号怀旧风味既酒家。因为系星期五，所以我地预早订定台。一行7人叫左8个𩠌7点半去到已经全场爆满。虽然已经到左三月，但我地依然叫左枝竹羊腩煲。另外仲有猪杂蝴蝶腩煲，四季豆咸肉，蚝爽，炸鲜鱿，炸鲜淮山，炸芋头扣肉，菇生菜，同埋大量啤酒。羊腩煲份量好足，同埋整得好入味同唔会太骚，就算唔用腐乳酱点黎食都已经够味。最期待系炸芋头扣肉，唔系度度地方都有既怀旧菜，半肥瘦腩再加两片芋头夹住炸，咬落去唔会令你成口油同肥腻既感觉。埋单只系每人2百零蚊，个人觉得份量同味道系值得既。唯独系坐上层楼底较矮，全场既人一齐讲野时，好似系酒楼咁好嘈。