Beerliner German Bar & Restaurant (朗豪坊) (已結業)

由于同事之前食过呢间。佢地好想饮啤酒，食猪手。所以就再黎帮衬。七个人叫左唔算太多野。但就一人一杯野饮。望到餐牌有无酒精饮品就试下。虽然我唔系唔饮得既朋友。但系啤酒我就真系麻麻地。虽然话无酒精。但阵味根本就系啤酒味。（又或者系麦味）所以呃饮啤酒既朋友，都可以试试。脆皮猪手就当然系必食啦！之后竟然俾我地见到呢个35安士既牛扒。仲要系400几蚊有交易。当然要试啦。叫左五成熟，出黎无血水。好juicy. 有三四个人，叫一份都好正。沙律既选择唔算多。但差唔多个个主菜都有酸菜伴碟。所以唔会话太油。肠仔拼盘当然有啦！但就唔算太特别。由于有两小时限制。我地啱啱食完野就问我地有无野加果度差小小。因为埋单出门口，都无人等位。呢度可以改善一下。