大榮華圍村菜 (已結業)

同事做到五月尾转工作环境，循例都要同佢食餐饭。因为佢啱啱撞亲脚好多野都话唔食得，于是就由佢决定去大荣华饮茶，样样都有得食唔使怕。我哋一行三个人，咁啱又落大雨，佢又行到窒吓窒吓。以前嘅大荣华要等位就不在话下啦，而家可能又因为疫情，就更加少咗人。我哋叫咗好多唔同种类嘅点心，例如我至爱虾饺、仲有出名嘅千层马拉糕，朋友想食嘅牛肉球、煎虾饼同灼生菜🥬，仲有蒜香鲜鱿、叉烧濑粉同埋炸两。整亲脚嘅朋友都忍唔住食咗啲用🦐做嘅点心。😜虾肉爽口瘦叉烧唔会干柴柴，肉嫩有汁😚千层马拉糕我嘅印象以前系会成大笼叫㗎，仲有猪油捞饭都系呢度嘅特色不过朋友话晏昼冇得食。😛反而想讲吓个灼生菜，上枱好似将一个西生菜切开一半，成个太空馆咁。好怀疑佢有冇洗过㗎呢？😨炸両就真系麻麻地，条油炸鬼已经林晒啦！😖整体大致都OK嘅。不过不失！