赤橋拉麵 (已結業)

2个人食个lunch +tea. 成日谂住黎呢间拉面，但次次都要排队。今日都有6-7个人排，但老公话好想食咁好啦，大热天时30几度就同你排下。。。排左约4-5个字，身水身汗，终于有得入去！侍应唔知系咪做得太辛苦，无乜礼貌，唔出声净系用手指叫你拣野。。。唔紧要啦，黎食野啫。 叫左一个白色拉面同埋辛肉味噌。等面到时候周围望下，d drawings好得意，系有心机嘅作品。面到了！白色汤底够浓够厚但唔会咸，叉烧系属于瘦果只，岩我。只旦够林但唔太有味。面系粗嘅，有少少硬，但我钟意嘅系传统果只拉面。 总括嚟讲都算唔错嘅。再黎辛肉拉面。有少少辣，个汤好浓好好味。做挂面岩岩好。其他嘅同上面果碗差不多，如果以屯门区黎讲，呢间都系数一数二㗎嘞！之前食过元朗间《彩》， d 面底好似系一样。再问问其他人，好似系同一个老板的。同其他拉面一样，食完会好颈渴。