温野菜 (又一城)

营业中

休息中

今日起身迟咗，同另一半考虑紧去边度食，其实我知道佢唔钟意打边炉，但系我无端端问佢今日不如去打边炉好唔好，佢居然无端端应承我，咁我即刻叫佢快啲出门口。今日假期去到𠮶阵时都有好多人排紧队，我哋大概等咗半个钟左右就入位，同之前一样呢度嘅服务做得好好，每行一个地方都提你小心，而且仲提供一张纸俾我哋包口罩。由于今日系午餐嘅关系所以呢度有午餐俾我哋选择，一个牛肉一个猪肉，我就唔系食家我好难俾意见，但呢度食物嘅摆盘同埋卖相都唔错，当然啦佢呢个价钱系偏贵。其实咁多种汤底最好味一定系寿喜烧，其他汤底我都食过但系呢个系最经典，今日我哋食够$300所以可以免费玩一个鹿儿岛黑毛和牛肩脊肉，呢一个牛肉食落去好软熟，好有牛味，但我始终觉得如果打边炉嘅话用户口唔系咁合适。另外呢度每色各$200嘅话会送一张$50嘅现金卷俾你下次用如果系会员嘅话就值得嚟食，但如果唔系会员嘅话要比正价嘅话我就觉得有点贵。