影片
更多
2012-02-02
14 浏览
近排开左好多间唔同的拉面店，作为一个喜欢食拉面的人，当然要每一间都试下。睇openrice之前的食评都唔少朋友觉得佢好食，今晚终于有时间来APM的面屋武藏试下佢系咪咁正。我两个人太约九点半到，我估因为星期一又系长假期后，无乜人，十分钟到就有枱。店舖的装修其实几有心思，一d装饰都系日本武士故事中会见到的武器，呢样我觉得唔错。不过坐位方面呢，就一贯香港食店啦…则系你同隔离枱的人兄系无秘密的，无论大家系咪相识。不过，系香港食饭都惯左。而日式的吧枱呢，我就更无兴趣坐。系日本睇住厨师工作系享受，你会感受到佢的认真，系呢度我就无兴趣睇住几个廿几岁的年青人系厨房玩…题外话，呢个都系好多香港连锁式食店的死穴。就系一开得多店，就请晒一班后生仔女。如果系做学师，或者有训练的楼面，我觉得后生仔女系无问题的，但系几个人跟住set好的食谱去煮食物，而又全部都系后生仔，我食过唔同的食店，我够胆讲无一间做得好食。呢个问题唔净系有冇心去做的问题，而系佢地本身有冇呢个经验？有冇食过自己做的食物应该点先叫做好食的经验？如果无，咁要煮得好食唯有靠天份，而有天份的话，做乜去做连锁店呢…楼面全部都系年青人，但系又感受唔到活力…
睇openrice之前的食评都唔少朋友觉得佢好食，今晚终于有时间来APM的面屋武藏试下佢系咪咁正。
我两个人太约九点半到，我估因为星期一又系长假期后，无乜人，十分钟到就有枱。
店舖的装修其实几有心思，一d装饰都系日本武士故事中会见到的武器，呢样我觉得唔错。
不过坐位方面呢，就一贯香港食店啦…则系你同隔离枱的人兄系无秘密的，无论大家系咪相识。不过，系香港食饭都惯左。
而日式的吧枱呢，我就更无兴趣坐。系日本睇住厨师工作系享受，你会感受到佢的认真，系呢度我就无兴趣睇住几个廿几岁的年青人系厨房玩…
题外话，呢个都系好多香港连锁式食店的死穴。就系一开得多店，就请晒一班后生仔女。如果系做学师，或者有训练的楼面，我觉得后生仔女系无问题的，但系几个人跟住set好的食谱去煮食物，而又全部都系后生仔，我食过唔同的食店，我够胆讲无一间做得好食。呢个问题唔净系有冇心去做的问题，而系佢地本身有冇呢个经验？有冇食过自己做的食物应该点先叫做好食的经验？如果无，咁要煮得好食唯有靠天份，而有天份的话，做乜去做连锁店呢…
楼面全部都系年青人，但系又感受唔到活力…
全场只有一个样子好classics的男人系到努力招呼客人，其他的年青人呢？行来行去咁啰…
呢样系题外话二，由外地引入香港的食店，尤其系日本的，当一请一班香港人时，真系keep唔到个质素。无论系食物或者招呼。
我明白香港人工唔高，但系打份工唔该都俾d热诚，话晒都收左钱的…
我唯一试过好食的，系因为楼面有日本人负责睇住，咁真系keep到质素。同一间餐厅我第二次去时，变晒香港人，已经唔同第一次食的味道。
真人真事，不过个时未开始写食评。
好，面终于来了，呯一声，点解系飞落我面前既？我谂哥哥仔可能一时失手，唔系有心既…希望系啦…唔系求求其其既…我一向认为卖相系日本料理的其中一个重点，但系点解我碗面咁样衰既？
紫菜湿到跌晒落个汤到，乜唔系最后先放的吗？还是整好好耐都无人攞俾我？
D葱乱放大半浸晒入汤里面，其实负责制作的小朋友知唔知一碗靓仔的拉面应该系点的呢？
一d好睇的拉面或者认真的师傅会系放好面之后再摆靓面的形状才淋上刚好的热汤，而唔系一堆野咁放d面落个碗到，求其倒d汤落去，浸左大半的食材。呢样野真系要做多d功夫，唔该负责人教下d小朋友，日式拉面系一种艺术同热诚来的。
碗野只系睇卖相，已经令我的食欲同兴趣减低了一半。
好啦，到味道。
其实我食唔出佢个猪骨汤同黑蒜油有几好，如果同另一间「味精」拉面比较的确系好食既。都系一味咸，食唔出猪骨煮到融入汤个种香味，更加唔会有猪油香啦。
叉烧呢，不过不失，但肉味唔系咁够。最失败系一夹就散，变左叉烧杂拉面。okok可能系我唔识用筷子。
另一碗无相的白武骨沾汁面就更唔掂，无左热汤浸一浸，d面仲硬，真系好唔吸引。而且唔知佢沾汁面的汤系唔系会较浓，为左令食客可以沾汁食，咸到完全食唔到其他味道。再者，个汤如果同汤面系一样的话，其实则系汤另上，咁沾汁的特别在那儿呢？唔明白。
而饺子反而系一个惊喜，煎的时间刚好，有少少香脆，入口美味。而且饺子皮亦很薄，但不失咀嚼的口感。里面的肉份量唔会太少，而且咬的时候更有肉汁。配合面头的葱一齐食非常可口，呢个攞返唔少分数。讲真，系香港开的连锁店我一向都兴趣不大，正如前面所讲，当呢d店一做大，只会请埋一d无心做野的青年人系厨房，求求其其按指示煮d食物出来。无错， 面屋武藏 本身个食谱同煮法材料都应该系唔错的，但落系一班有流厨房上面，几好都变左普通到极点。
你开以话俾乜价钱食乜货仔，呢个我认同既。咁唔该店主俾多d人工，请一d有心做的人来工作，我请愿佢加少少价，好食一d，到时我唔会介意排队同俾多d钱。
张贴
