李好味 (已結業)

唔好误会，我讲嘅系我个女😄昨晚 honey 唔得闲，问个女想去边吃，佢话中环 lee lo mei。。。？🤔喂，做乜同亚妈讲粗口？佢话中文名叫李好味！哦，原来我大乡里。。。个名咁搅嘢，就去试试。去到楼下，唔觉系食呢啲嘢，似食西餐，waiter 哥哥带我哋上楼上，感觉完全唔同。侍应好好人，问我哋系咪第一次嚟食，介绍咗好多嘢，可惜只得两个人，最后点咗四样嘢，金虾脱壳，张相影落唔靓，但，真系好好味呀。。。👍👍👍丝酥萝卜糕，XO 酱都几辣，食唔到萝卜糕香味，口感都唔错。金鸡藏鲍，系酿糯米鸡翼四只，当中有两只有旧鲍鱼添。。。呢个都好食，鸡翼唔会好干，糯米饭都好味，至于鲍鱼。。。。如果大旧啲可以试真啲㖞🤗最后𠮶样叫乒乓菠，感觉好似迷你版菠萝叉烧包，呢个菠萝包系有菠萝架，佢比较出面吃到嘅再甜少少，仲有薯条，佢点薯条个酱都好特别，唔系红色嘅茄汁，而系橙色，开头仲以为辣，原来佢话红灯笼椒混茄汁，味道冇咁酸，有少少甜加啲啲辣。最后，姐姐走过嚟问我哋够未，驶唔驶介绍甜品。。。sorry 啦，个肚已经冇位，虽然好想食，但要等下次啦。呢度收费又真系唔便宜，但食物又几特别，味道都几好，相信会再来试埋其余嘅嘢😄