Bloop Shisha Lounge (已結業)

一直想揾啲有特色嘅餐厅撑枱脚？呢间餐厅居然可以同埋鲨鱼一齐共进晚餐！最估唔到系呢间酒吧嘅野食一啲都唔马虎，有摆盘仲要好好食🫣叫咗两个头盘小食，西伯利亚黑鱼子配烟熏酸忌廉多士同香炸鱿鱼及小鳀鱼配柠檬蛋黄酱！多士烘得好香脆，有两款口味，个人觉得黑鱼子个款啱我口味多啲，有鲜味而且咸香适中！鱿鱼同小鳀鱼都炸得好酥脆，而且唔会炸粉都唔会好厚，饮啤酒想有野𩠌呢个系必选！去到主菜，主角果然系主角，完全冇失望，比头盘更加有惊喜！叫咗个慢煮和牛面颊肉配焦糖洋葱同埋焗信州白面史比目鱼柳鹅肝酥！和牛面颊肉超冧，冇夸张，真系冇牙都食到🤣仲配咗啲黑松露薯蓉！黑松露味都好出，同牛肉味好夹，成盘食晒都唔觉得漏！本身上碟成头问号，个鹅肝呢？🤣点知原来系厨师将佢整成酥，som咗系条鱼柳上面，等我地可以连鹅肝同鱼一齐食，味道几夹，口感都好新颖！最尾仲有叫番个甜品做收尾，巴斯克焦香芝士蛋糕！芝士香浓，不过我钟意流心质感多啲🫣整体劲高质劲好食，如果去中环揾唔到咩餐厅又想要有啲特色嘅话不妨试下佢！