Cafe Charm's (已結業)

Weekend同太太去红磡行街，行到去百宝坊，比呢间餐厅既紫色主调设计吸引左入去，原来个餐厅名叫 CHARM’S，唔怪得我觉得店内装潢真系几有魅力啦。好! 既然入左去，梗系要试下D食物 CHARM 唔 CHARM 先啦，店员送上menu，menu设计有欧陆feel，内页的食物图片非常吸引，花多眼乱，选择困难症又发作!靓仔老板见我地望住个menu好耐都冇头绪，就主动走埋黎同我哋倾咗几句，问下我哋想食咩，有咩唔食等，之后佢就诚意介绍我哋食个黑松露油蟹肉炒蛋牛角饱再配一杯Cappuccio，而佢可能见到我系太太黎，所以就再介绍埋个士多啤梨雪糕窝夫比我哋 sweet 一下。黑松露油蟹肉炒蛋由老板亲自主理，黑松露既香味，未送到枱面已经闻到，牛角饱好松化，蛋炒到半熟状态，好 CREAMY，我知道要火喉控制得好好先有咁嘅效果，因为我起屋企已经失败过无数次，好啦，再讲番个半熟又滑嘅蛋，配埋个黑松露入口，实在系味蕾一大享受!至于个Cappuccio，入口OK，材料的比例好好，唔会觉得偏重起个奶、咖啡或者个 CREAM 度。最后，花型的士多啤梨雪糕窝夫终于送上，窝夫就似一朵巨型花瓣，有一半系放咗香蕉，另一