Made in HK Restaurant (已結業)

由于好朋友话有啲超限量珍藏嘅礼物有两份，佢话送一份畀我同我开心share，所以我们约咗今日下午喺观塘apm嘅「Made in HK Restaurant」食下午茶！我们叫咗个特餐：瑞士汁鸡槌汤意粉配农场鸡蛋多士嘅汤碗比较大，同埋汤亦比较多，搅到睇落觉得份量好似好少，其实都算大碗，而意粉嘅面质都几烟韧弹牙，鸡槌嘅肉质都几软滑，瑞士汁嘅味道相当入味，就算浸著喺汤度，味道都一样咁惹味，至于鸡蛋就可以有煎蛋、炒蛋或转做烚蛋，而我们就拣咗烚蛋！港味三层下午茶：玉桂多士、红豆椰汁糕、焦糖炖蛋、叉烧酥、炸鸡翼、肉酱焗薯皮、夏威夷薄饼同迷你热狗，味道就不过不失，但就唔系想像之中咁好，因迷你热狗嘅包质比较干身同「粗嚡」，至于卖相方面，虽然系用个英式下午茶嘅铁架嚟盛载著，但食物就系港式嘅食物，感觉都几特别，而且款式种类都算几多！