The Stadium (已結業)

今日好朋友生日，咁梗系就一就佢系附近揾食啦! 朋友喜爱食西餐，所以今次我拣咗间几有特色嘅西餐厅。餐厅内里颇大， 环境开扬仲有可以望到街景添。内里罕有地有桌球打，射标机和少许康乐游戏玩， 大人细路都啱玩!肉丸肉酱意粉肉酱够多，肉丸好大粒，唔会太硬太韧， 非常入味。如果有小朋友，简直系小朋友之选， 唔使惊佢哋唔啱食。凯撒沙律蔬菜够晒新鲜，分量多， 蕃茄仔够晒爽甜， 当中仲有一只半生熟鸡蛋， 捞埋一齐味道冇咁单调。黑松露pizza呢个pizza简直系我嘅挚爱， 黑松露味道好重， pizza够大， 馅料够多， 芝士又香又浓， 面包够脆， 令人垂涎三尺，值得推介。黑松露芝士薯条黑松露fans嘅我， 当然唔会放过食黑松露芝士薯条啦! 薯条炸到金黄色， 外脆内热，芝士粉够多， 再配上黑松露酱，味道非常夹。餐牌选择非常多，晚上仲有套餐可以选择， 如果唔想谂又想简单啲，拣个dinner set都系一个唔错嘅选择。