影片
更多
2009-07-25
呢间野虽然系我附近，但我真系好少去，每次经过都见到好多人排队，真系好好奇系咪真系咁好食，今日终于黎左呢度饮茶试下，但个结果系觉得未必会再黎食......我地大概两点几去到，都唔驶等位，即刻有，但要搭台就真既，不过都无咩所谓。环境算几好，宽阔又够冷气，咁热无冷气既话会好辛苦架嘛。叫左几样野食，即系你唔会觉得佢好难食，但每一样野都梗有d可以批评既地方，无咩边样野系有赞无叹....真系唔系太好食呢!招牌流沙包呢个一定叫架啦，佢成日都卖哂广告，以我咁钟意流沙包既人系一定会叫黎食既。我觉得佢个馅系几好既，一咬落去即刻流哂出黎，甜度又ok，但个问题系个包皮劲厚，而且好硬...唔够软熟.......变左食到尾觉得好口干，所以唔算系真系好好。叫左个大芥菜咸猪骨粥，呢个就系个粥唔太入味，你食落去所有味道系分开既，食粥得粥味，食猪骨有猪骨味，但唔系融会埋一齐...而d芥菜唔太靓，有渣既，所以又系麻麻地。之后仲叫左个老家蜂巢糕，呢个食落去有D马拉糕既味道，不过佢太甜啦，食完系劲漏唔想食其他野，如果个味道淡返D会比较好，而且个糕几淋下，无咩口感。最后叫左个笼仔凤爪排骨饭，份量几大下，我地两个人完全食唔哂。落左
我地大概两点几去到，都唔驶等位，即刻有，但要搭台就真既，不过都无咩所谓。环境算几好，宽阔又够冷气，咁热无冷气既话会好辛苦架嘛。
叫左几样野食，即系你唔会觉得佢好难食，但每一样野都梗有d可以批评既地方，无咩边样野系有赞无叹....真系唔系太好食呢!
招牌流沙包呢个一定叫架啦，佢成日都卖哂广告，以我咁钟意流沙包既人系一定会叫黎食既。
我觉得佢个馅系几好既，一咬落去即刻流哂出黎，甜度又ok，但个问题系个包皮劲厚，而且好硬...唔够软熟.......变左食到尾觉得好口干，所以唔算系真系好好。
叫左个大芥菜咸猪骨粥，呢个就系个粥唔太入味，你食落去所有味道系分开既，食粥得粥味，食猪骨有猪骨味，但唔系融会埋一齐...而d芥菜唔太靓，有渣既，所以又系麻麻地。
之后仲叫左个老家蜂巢糕，呢个食落去有D马拉糕既味道，不过佢太甜啦，食完系劲漏唔想食其他野，如果个味道淡返D会比较好，而且个糕几淋下，无咩口感。
最后叫左个笼仔凤爪排骨饭，份量几大下，我地两个人完全食唔哂。落左豉油都系好淡，而且D排骨无咩肉，食落去好多都系得旧骨......感觉又系唔太入味，即系D味道系各有各分开既，你唔会话佢难食，但真系唔好食啰。
总括每一样野都有D可以批评既地方，而且真系完全同好食有一段距离，价钱又唔系太平，所以觉得未必会再黎啦。byebye。
张贴
