稻坊 (曼坊) (已結業)

中午1点同屋企人到美孚稻坊饮茶，一行三人因为大家都减肥所以唔算叫太多野。第一个叫咗个蒸龙趸藜麦饭，起初以为会好似其他酒楼咁用竹笼连荷叶底蒸，但原来只系用个砂煲上，龙趸合共有七八件，份量合理而且算新鲜，四条菜心可以切返短啲会比较好，饭底有少少干，但可接受。另外叫咗个蒸流沙包，卖相系一个卡通人物，算系几有心思，上嘅时候热辣辣，搣开食嘅时候奶黄唔算太流沙似普通奶皇包，不过都几好食。仲有叫咗个蒸枣茸糕，上嘅时候都系热辣辣，红枣味好香，但个人认为甜左少少。整体而言，作为美孚街坊一个月至少到饮茶一次，呢度饮茶同埋晚饭都唔错，系值得推介嘅家聚好地方！