炊公館

营业中

休息中

前几日老豆生日，佢中意食中菜，我就上网揾下有咩食，见价钱okay就拣左呢间。我地食完，都觉得价钱合理，味道唔错，个夜景又靓，下次食饭又多咗个地方拣啦！脆皮牛腩第一次食呢个，其他中菜厅好少见到。外表皮脆，入面牛腩香浓惹味同好腍，可以跟喼汁，但我自己中意跟黄芥末，味道好夹。口水鸡鸡肉又几滑，我唔算食得辣，但呢个唔算好辣，少少麻咁，仲有阵香辣味，越食越想食。片皮鸭呢间片皮鸭价钱唔贵，High CP value！ 鸭肉份量多，摆碟美观，食起上黎有鸭香，呢个价钱真系好抵食！鲜鸡炖螺头汤我好中意饮呢个汤，鲜甜，有螺头的香味，热辣辣咁饮落去，真系觉得好温暖。如果我妈识煲呢个汤就好了，保证准时返屋企食饭：）南非原只鲍鱼鲍鱼好软又弹牙，好入味，味道一流🤣龙虾伊面份量大，龙虾新鲜，质地弹牙😋伊面质地幼身，又几滑，同个龙虾个汁好夹。生炆海星斑下次黎，呢道菜绝对会encore！海星斑先煎后炆，条鱼口感层次丰富左，好香口，但又可以保持到条鱼嘅鲜味。