意味館 (已結業)

夜晚同屋企人去咗朋友试过话好味嘅呢间新餐厅试吓, 听讲呢度星期六、日会好多人, 所以特登揾日平日嚟试, 果然坐得几舒服. 佢哋啲装修好整齐企理, 又有心思, 摆设都唔错.我哋5个人叫咗好几样嘢share: 那些年瑞士汁鸡翼、芝士忌廉焗扇贝、车打海鲜焗饭、法式香草烧羊架、芝士焗肉酱意粉、瑞士汁香茅煎猪扒同扒大虾鲜蕃茄蓉天使面.虽然啲嘢食要等一阵, 不过见到个卖相同个味道都几好, 等一阵都无咩所谓嘅. 芝士忌廉焗扇贝好有鲜味几正, 不过4只唔够我哋分…芝士焗肉酱意粉, 我唔食牛所以无试, 不过阿爸话几好, 啲意粉煮得啱啱好, 有啲赵口，唔会发晒水，正!法式香草烧羊架, 我至爱, 有羊嘅香味又唔会话骚, 虽然细细件, 不过呢个价钱有咁嘅质素其实好抵食.扒大虾鲜蕃茄蓉天使面, 喺呢度食到天使面其实有啲惊喜, 啲天使面口感唔错, 食到系一条条面嘅感觉配埋鲜蕃茄蓉几钟意. 瑞士汁香茅煎猪扒, 啲猪扒几好口感, 朋友之前试过话好味, 试过真系几好.车打海鲜焗饭, 估唔到海鲜都有惊喜, 有青口, 大虾又有鲜鱿, 真系几抵食.那些年瑞士汁鸡翼, 都ok几好食嘅, 不过佢哋话要浸, 所以就等得耐咗啲…其实