影片
更多
2017-11-07
350 浏览
礼拜日难得一家人都得闲，于是就去左饮茶，下午茶时段2点开始入座，我地大约2点05分到达，去到都只系等左2分钟左右(等个带位阿姐行出黎)。落左单之后，某啲食物好快就上菜。红烧乳鸽会系我大力推荐既菜式，咬落肉汁好够，唔似平时其他地方既乳鸽太油太干，下午茶市都只系19蚊有2只，十分抵食。鲜虾菜苗饺亦都系另一个唔错既点心，可能系而家冬天，菜苗当造，食落啲菜苗好香口。块皮亦都好薄好滑，夹既时候要小心啲，好易夹烂。唯一有啲小小负评就系佢「鲜虾」既份量太少，每只饺得一粒虾仔(感觉系将一只虾切粒，分左入4只饺咁 =.=)虾饺，正常发挥，令人感动既系终于食到一只完整既虾!! (同上面个菜苗饺比较之下)至于咸水角，望落去唔太油，都还可以，不过除左老豆之外都无人食，我自己一见到啲油物就觉得唔太健康，所以唔想食。叉烧肠发挥都系正常，至少啲肠粉食落有咬口，唔系「好烂皮，黐哂牙」𠮶种感觉，用料都足，其实唔落鼓油都已经够味。(个人觉得落左鼓油比较咸)白灼西生菜，菜本身都几难唔好食，唔... 其实喺酒楼食菜真系唔抵。仲有其他点心，不过由于我挂住食乳鸽，所以唔记得影相，以下逐一做个简评。山竹牛肉球：牛肉落喼汁好食，不
红烧乳鸽会系我大力推荐既菜式，咬落肉汁好够，唔似平时其他地方既乳鸽太油太干，下午茶市都只系19蚊有2只，十分抵食。
红烧乳鸽 (下午茶市)
$19
71 浏览
0 赞好
0 留言
鲜虾菜苗饺亦都系另一个唔错既点心，可能系而家冬天，菜苗当造，食落啲菜苗好香口。块皮亦都好薄好滑，夹既时候要小心啲，好易夹烂。唯一有啲小小负评就系佢「鲜虾」既份量太少，每只饺得一粒虾仔(感觉系将一只虾切粒，分左入4只饺咁 =.=)
鲜虾菜苗饺
$14
33 浏览
0 赞好
0 留言
虾饺，正常发挥，令人感动既系终于食到一只完整既虾!! (同上面个菜苗饺比较之下)
富临虾饺皇
$14
29 浏览
0 赞好
0 留言
至于咸水角，望落去唔太油，都还可以，不过除左老豆之外都无人食，我自己一见到啲油物就觉得唔太健康，所以唔想食。
安虾咸水
$12
26 浏览
0 赞好
0 留言
叉烧肠发挥都系正常，至少啲肠粉食落有咬口，唔系「好烂皮，黐哂牙」𠮶种感觉，用料都足，其实唔落鼓油都已经够味。(个人觉得落左鼓油比较咸)
蜜汁叉烧肠
$18
24 浏览
0 赞好
0 留言
白灼西生菜，菜本身都几难唔好食，唔... 其实喺酒楼食菜真系唔抵。
白灼西生菜
$14
19 浏览
0 赞好
0 留言
仲有其他点心，不过由于我挂住食乳鸽，所以唔记得影相，以下逐一做个简评。
山竹牛肉球：牛肉落喼汁好食，不过食到啲枝竹有少少怪味，阿妈话可能系缩左，所以最后我地无食哂啲枝竹。
古绵马拉糕：松软香甜，好食！
香麻流沙包：一开始睇错左以为系「奶皇包」，原来系「芝麻包」，不过都好食，芝麻香甜，咬落包度真系有流沙既口感。
本来点左个萝卜糕，但食哂所有点心，茶壶既水都饮埋，等多１５分钟都系无黎，于是最后出去埋单𠮶时取消番个点单。
最后埋单盛惠$194.5，饮茶黎讲都算OK啦!
题外话/补充资料：
有加一，茶位每位8蚊(下午茶市)，感觉楼面唔系好够服务员，有时想叫人都无人，要等好一阵。
(以上食记乃用户个人意见 , 并不代表OpenRice之观点。)
张贴
