101手工涮涮鍋 (已結業)

是日正日生日，晨早流流就痴实男朋友仔，又系佢公司打趸，又揾佢陪我食个午饭长跑，到佢放工果阵，就去左101手工涮涮锅食野。我地本身订左8点45分嘅台，后尾早左到，就问下前台位靓女有无得早d入，靓女姐姐见我地咁有诚意，又系生日饭。于是，就好好咁提早安排我地入去。坐低无耐，靓女姐姐突然拍一拍我膊头问我，你系咪今日生日呀？我话：系呀。佢就突然系身后拎左枝花仔出黎！哗！礼物一定唔系贵嫁啦，但物轻情义重，好有心呀。生日个位大哂，所以无睇过餐牌，等男朋友拍板。未上锅先有前菜，医下肚。都几贴心。哗哗哗，主脚红烧牛肉火锅，非常快上台，汤未滚都偷饮左啖！嗯！！汤头非常好饮，牛肉煮得嫩，而食材都几新鲜。牛牛唔洗讲，睇纹路就都知靓野。呢盘望落样样都唔似街边价，是关佢真系款款都系手工整，全盘都好食，但最要赞嘅系两粒饺，我地因为吹水都唔记得食野，但两只饺d皮都无融无剩，而且入面好香杜露味！心心眼。男朋友食鲁水盘，是关我唔食内脏，所以我只系偷食左粒蛋。男朋友貌似唔钟意食，仲话放落去烚好食d！响铃好食，超索味。唔钟意饮爱芒果茶，太甜lo。