Sodam Chicken (已結業)

今次黎到中环好出名既韩式炸鸡(Sodam Chicken)。同3个朋友去叫左2大份炸鸡同个汤同薯条中已经够肚。有蜜糖芥末炸鸡、蜜糖蒜香焗鸡、鱼串汤同芝士薯条同芝士面包脆脆。炸鸡黎到每一碟分别都有10件，每一件都几大件。蜜糖芥末炸鸡，无好强烈既芥末味，但加上蜜糖，令到味道唔会咁单调同埋每一件鸡外皮都炸得好脆，炸粉亦唔会太厚。之后系蜜糖蒜香焗鸡，蒜香系用左整到脆脆既蒜片去焗，每咬到一片蒜片都会有惊喜，焗鸡用既蜜糖比较甜，但都好好味。鱼串汤比我系韩国食到既更好味，一黎无咁多胡椒粉同鱼串都仲好有口感。芝士薯条同面包都沾上芝士粉加上蛋黄酱十分美味。