Sky726

喺OpenRice 发现呢间热门餐厅，咁岩想帮朋友庆生，大家要预早book 枱，发觉呢间餐厅真系几爆，座无虚席。环境灯光系几有格调，以闹市旺角泥讲，呢类型餐厅较少。我地要左二人餐，每人450+，每个餐都会跟三文鱼mosses 小吃，餐包南瓜汤，同沙律。南瓜汤好有惊喜，够哂香浓，好足料。要咗一个鸭肝炒意粉，呢款比较浓味，鸭肝油脂分布均匀，意粉沾满鸭肝油香，十分惹味。另一款要咗鳟鱼配加勒比酱，其实系番茄酱，酸酸甜甜好开胃。第一次品尝鳟鱼，其有啲似三文鱼嘅口感，肉质都一样嫩滑，感觉不错。最后我哋每人都有一份歌剧院蛋糕，浓浓嘅比利时朱古力，入口醇滑，成餐饭由头盘食到甜品都好满足。