影片
更多
2024-07-08
770 浏览
今次有朋友生日，我就约左同佢食饭庆祝，拣左间我自己觉得几正既台式火锅，佢地分店愈开愈多，不过方便大家就拣左黎旺角呢边食😄餐厅坐位阔落，有一壶茶提供，枱上仲有围裙比客人用，以免食麻辣锅滴到件衫洗唔甩，呢个几贴心既服务，抵赞👍🏻自助餐酱料小食吧（$19/位）餐厅有小量自助任食既小食，我最钟意就系香辣鱼皮，另外仲有辣菇，炸香芋波波，同埋生果可以攞🍉🍋🟩酸菜白肉汤底（鸳鸯$138）（单锅$198）台式麻辣锅（鸳鸯$138）（单锅$198）锅底可以自己选择要鸳鸯定系单锅，我地惊台式麻辣锅太油就叫多个酸菜白肉锅，两个锅底都有好多𩠌食，值得一提既系台式麻辣锅既鸭血豆腐系无限添加，必点推荐‼️日本和牛三角胸小排（$388）生日庆祝梗系要食d靓牛啦，呢个系A4级数既和牛，入口即溶，高级享受🥩企鹅丸（$59）企鹅丸个样好可爱，小朋友食就实钟意，佢系墨鱼浆制成既，口感弹牙🐧笔管鱿鱼（$78）3只新鲜鱿鱼，餐厅建议大火滚2分钟就食得，鱿鱼几新鲜同脆口🦑爽口牛黄喉（$58）黄喉主要系打边炉先会见既食物，佢口感爽脆，唔系好多地方有得食，呢度有就要叫番碟😋鲜活豆苗（$58）呢个豆苗真系新鲜成个盆栽咁上，要自己剪佢地
餐厅坐位阔落，有一壶茶提供，枱上仲有围裙比客人用，以免食麻辣锅滴到件衫洗唔甩，呢个几贴心既服务，抵赞👍🏻
自助餐酱料小食吧（$19/位）
餐厅有小量自助任食既小食，我最钟意就系香辣鱼皮，另外仲有辣菇，炸香芋波波，同埋生果可以攞🍉🍋🟩
酸菜白肉汤底（鸳鸯$138）（单锅$198）
台式麻辣锅（鸳鸯$138）（单锅$198）
锅底可以自己选择要鸳鸯定系单锅，我地惊台式麻辣锅太油就叫多个酸菜白肉锅，两个锅底都有好多𩠌食，值得一提既系台式麻辣锅既鸭血豆腐系无限添加，必点推荐‼️
日本和牛三角胸小排（$388）
生日庆祝梗系要食d靓牛啦，呢个系A4级数既和牛，入口即溶，高级享受🥩
企鹅丸（$59）
企鹅丸个样好可爱，小朋友食就实钟意，佢系墨鱼浆制成既，口感弹牙🐧
笔管鱿鱼（$78）
3只新鲜鱿鱼，餐厅建议大火滚2分钟就食得，鱿鱼几新鲜同脆口🦑
爽口牛黄喉（$58）
黄喉主要系打边炉先会见既食物，佢口感爽脆，唔系好多地方有得食，呢度有就要叫番碟😋
鲜活豆苗（$58）
呢个豆苗真系新鲜成个盆栽咁上，要自己剪佢地落黎，系我食过咁多菜之中最有趣既，又系呢间餐厅先有既特色🥬
肉肉蛋糕（$198）
朋友生日梗系要有蛋糕同佢庆祝，我地嗌左个牛肉整成既蛋糕，牛肉系美国肥牛，仲有两个福袋，里面系鱿鱼，卖相都几似蛋糕，用黎影相都好靓📷
大红袍珍珠奶茶（$33）
台式火锅店点少得台式饮品，珍珠奶茶有热同冻拣，门口仲有得外卖手摇饮品🧋
水蜜桃绿茶QQ（$32）
水蜜桃绿茶够晒解喝，食辣嗌番杯就最岩，好fresh既果香味🍑
食完晒所有食物会有甜品送，系豆腐布甸同菠萝沙冰，最后仲会每位客人有一盒外带鸭血豆腐🥰
依家餐厅做紧5周年优惠，汤底，和牛，食物都有优惠价，我列出既都系正价，优惠完之后劲抵食，趁佢未完优惠带老婆黎再食番餐先得🤩
张贴
