Cafe Fabulous

营业中

休息中

好耐冇见呢几个旧同事啦，仲谂起以前一齐返工嘅日子真系好开心，不过而家大家都各散东西，真系好少机会可以聚会！今日难得聚会，就约咗去呢一间喺旺角登打士街广场上面嘅Cafe！我哋四个人叫咗两个二人餐，都非常抵食，而且呢度就好多唔同嘅游戏可以玩，真系一个好好聚会同埋消磨时间嘅地方！我自己几钟意食呢度嘅卡邦尼意粉，呢一个菜式基本上真系每一间Cafe都必须要有🤣呢一度嘅酱汁做得好好食，而且我好钟意食呢度嘅意粉，真系好弹牙好香！另外都几推介嘅就系呢一份咖喱吉列大虾饭！咖喱嘅味道好香，而且系甜甜地嘅咖喱！再加上上面嘅吉列大虾炸得啱啱好！入面嘅虾肉可以保持好爽！