Bread, Espresso & (已結業)

朋友话试下呢间新开嘅日式面包店，终于揾日放假试到呢间铺头嘅饮品同特式面包+多士。之前朋友forward 一篇生果日报关于呢间铺头嘅介绍，睇完之后，我对于𠮶杯紫薯沙冰真系一见倾心，一心嚟到要会一会呢杯饮品。果然冇令我失望呀，浓浓紫薯味，甜度适中，我谂有「紫薯控」嘅朋友一定同我一样超钟意呢杯饮品！饮品方面，我其实都几想试下另一杯蝶豆花玫瑰柠檬茶架，见到隔离枱有人点咗呢杯饮品，个样好靓好梦幻咁，不过见自己已经饮紧紫薯沙冰，个饮嘢嘅quota已经用咗，咁就俾咗个机会我下次返嚟饮埋呢杯花茶啦。面包方面，有十几款面包可供选择，啲面包口味都真系几新颖同特别的，搞到样样都想试。最后我点咗个薄荷忌廉芝士包，加个每日限定三十件𠮶个招牌法式吐司同埋无花果蓝芝士包。薄荷忌廉芝士包都几好食，但印象就冇其他𠮶两款咁深刻。我觉得佢个法式吐司同无花果蓝芝士包真系好正。个吐司新鲜滚热辣出炉食，个吐司边边脆脆的，中间个心就软绵绵的，配埋佢𠮶只好特别嘅蜜糖（问咗店员，原来系意大利槐花蜂蜜），同平时喺香港食嘅西多士好唔同，成件事唔同晒，冇得输！我个人觉得都值得排架，终于明白点解咁多人排队嚟试喇😂！仲有𠮶个无花果蓝芝士包，无花