影片
更多
2017-08-14
1668 浏览
有时太多人出街，真系会唔知食咩好，怕无咁大张台，又怕坐得唔耐，好彩今次揾左呢间系天后的烤鱼店，虽然铺头唔算特别大，但胜在环境非常适合倾计，我地一行六人大声讲大声笑都无问题，最重要系可以慢慢食，中途唔会有人不停过黎想收野，野食好味服务又好，下次真心会再过黎食过！呢度有大大盘的烤鱼，都有唔同款式小菜，大部份都系四川辣辣口味，不过都可以拣小辣，又或者拣唔辣的菜式。因为我地有人想食烤鱼，所以就拣左一个鱼，再加多几样小食。好脆口的青口，做前菜非常开胃，而且份量超大方，比起平时的川式小馆多好多，足料到上台时大家都吓一吓。点少得我地至爱的回锅肉，小辣刚刚好，连平时唔太食辣的朋友仔都食到停唔到口，重点系辣之中会有少少麻，而且唔系死咸个种，入口完全唔系一大股油味。我最中意就系青椒，呢个配饭食3碗都无问题！叫左个炒菜，呢个就唔辣，一样系大大碟，唔系煮到好淋个种，程度系刚刚好熟再软少少，依家好少地方有炒椰菜花可以食架喇。好大盘辣炒鸡，睇个样好似好辣，其实都只系小辣。个鸡非常嫩滑同入味，啖啖肉大满足，其实鸡件的份量都好多，不过我地六个人食，所以好似好快食完咁XD朋友指定要叫的烧茄子，入面好软好香，上面的香料味
呢度有大大盘的烤鱼，都有唔同款式小菜，大部份都系四川辣辣口味，不过都可以拣小辣，又或者拣唔辣的菜式。因为我地有人想食烤鱼，所以就拣左一个鱼，再加多几样小食。
好脆口的青口，做前菜非常开胃，而且份量超大方，比起平时的川式小馆多好多，足料到上台时大家都吓一吓。
点少得我地至爱的回锅肉，小辣刚刚好，连平时唔太食辣的朋友仔都食到停唔到口，重点系辣之中会有少少麻，而且唔系死咸个种，入口完全唔系一大股油味。我最中意就系青椒，呢个配饭食3碗都无问题！
叫左个炒菜，呢个就唔辣，一样系大大碟，唔系煮到好淋个种，程度系刚刚好熟再软少少，依家好少地方有炒椰菜花可以食架喇。
好大盘辣炒鸡，睇个样好似好辣，其实都只系小辣。个鸡非常嫩滑同入味，啖啖肉大满足，其实鸡件的份量都好多，不过我地六个人食，所以好似好快食完咁XD
朋友指定要叫的烧茄子，入面好软好香，上面的香料味配埋多汁茄子，最后我地唔够食，仲encore多两条。
之后就系大大盘的烤鱼，鱼系整条咁上，唔记得左叫咩鱼，但我地拣左少骨个种，入口又真系唔会有咩细骨，而且口感好滑。个汤底麻辣度适中，记得叫埋配料可以打边炉。
其实整体黎讲都好满意，食物质素比想像中好，一行六人都表示好食，虽然咁重口味系无咁健康，但久唔久一次半次无所谓啦，餐厅为我地今次聚会都加左好多分，食物固然重要，但环境都真系好适合大班人聚会，赞！
张贴
