三德素食館 (僑冠大廈)

营业中

休息中

二月二十九日- 星期五一个月前嚟呢度食过第一次，觉得几好食，今晚又想食斋，所以又再嚟过。今次都要等两三个字，唔知系咪因为星期五晚／大家都认为呢度几好食呢？原来呢度有得食素食火锅，本人就从未试过啦，不过就唔系太大兴趣，都系点返普通斋菜稳阵d。点了一个二人套餐+ 日式煎素饺子+ 鸽崧跟生菜包+ 罗汉斋炒面，四人食真系好够。套餐有：素翅两碗，菠萝咕噜肉，法海圃团及紫米露糖水。菠萝「咕噜肉」卖相吸引，食落酸酸甜甜，很开胃，「咕噜肉」比起真的咕噜肉较腍，但味道亦相当不错，炸粉炸得几香脆可口。鸽崧跟生菜包又系另一推介，像真度极高，有崧子、红萝卜、话梅碎等，几特别。除咗煎饺子外，其他食物都唔错，煎饺子既饺子皮太韧，所以麻麻哋。顺带一提，楼下买斋卤味既客人众多，味道应该不错挂。