阿牛 (已結業)

年初三唔洗拜年, 老公带我同阿爸阿妈周围去揾野食, 想起早排睇亚视夜蒲点介绍鸭洲有间阿牛厨房, 再查open rice知道地址, 老公车去好容易泊到位, 入到去觉得环境唔错, 坐低叫左个牛肋骨, 羊架, 咖哩牛腩同埋双肠(腊肠润肠)石头窝饭, 我又好奇怪, 点解西餐厅会有双肠饭食? 又中又西, 食得饱饱, 点之老板仲送紫米汤圆比我地食, 埋单都系402元, 计来计去, 唔知点解咁平, 原来有9折, 新年都有9折真唔明, 问个侍应, 佢话原来带爸爸妈妈来食饭就有9折, 咁生意手法我都未见过, 总括讲, 牛肋骨真系好好食, 羊架又够骚, 咖哩牛腩好特别, 估唔到双肠石头窝饭d润肠都咁好食, 紫米汤圆就麻麻地啦, 可能系太饱关系啦.