梅窩麻糬王 (灣仔道)

营业中

休息中

实在太过分，太心痛。明明第一次食嘅时候系几咁好食，基本上每一日都会好想食多一次梅窝麻糬波波。今日喺湾仔呢间分店再食，老板娘话系新鲜出炉，但系一拎上手系冻嘅，我就心知不妙。结果一食，简直惊为天人，我完全唔系食紧一个麻糬波波，佢只系一个饼皮里面有一旧圆辘辘嘅肉松。而且个肉松系完全唔黐实个麻糬，佢可以自由活动，好潇洒。我真系好嬲，好嬲。希望湾仔分店唔好再侮辱梅窝麻糬波波呢个咁好食嘅品牌。另外就系服务态度，我买咗肉松口味唔够10秒返转头，想问可唔可以转做朱古力，佢话你离开咗就唔可以换㗎啦。我都明，但我其实真系行前咗两步咋，会唔会太不近人情？