NOC Coffee Co. (已結業)

由港岛开到九龙嘅「NOC Coffee」，某啲分店有dine in，今日嚟到湾仔分店纯粹午饭前饮杯咖啡醒神一下，顺道朝圣。「NOC Coffee」湾仔店定位相信系grab & go，嚟到嘅客人都系简单外带咖啡就走，毕竟店面好细，座位十个内，开放式设计，如果想慢慢叹咖啡，呢度绝对唔适合。Flat white / Latte ($90 in total)••••••睇返menu，店员好似收多左钱，两杯regular应该系$80? 定系内用有extra charge? Anyway，咖啡用纸杯送上，第一个感觉系好细杯，杯入面嘅咖啡只系细纸杯嘅7成满，定价颇高，令人对成品有更高期待。flat white合理地奶泡浅，但就饮唔出应有牛奶嘅重质感，以及顺滑感。Latte同样平淡。拉花、奶泡色泽几靓，两杯都拣左fruity，果味，唔酸，入口咖啡较淡，无乜after taste，亦无乜记忆点。以专卖咖啡嚟讲，会期望表现得更好。呢个价位，系湾仔绝对有更好选择。