影片
更多
2018-01-31
4867 浏览
Appetizer：Italian Smoked Swordfish 讲味道之前，特别要赞一赞佢嘅摆盘，深蓝色嘅水纹玻璃碟营造咗一个好似海洋咁样嘅感觉，加上砌到好似花一样精致嘅鱼片同埋沙律菜，未食已经觉得好fresh。 味道方面，烟剑鱼好重咸香味，质感似Parma Ham，但就更加细滑，连埋酸酸甜甜嘅鲜橙一齐食，特别开胃，算系一款比较浓味嘅开胃菜，但就仍然keep到清新嘅感觉。Appetizer：Pan Fried Quail Ballotine 鹌鹑肉卷最外层由烟肉所包住，而内层嘅质感就好似mousse一样咁柔软，原本以为烟肉会好咸，但向成件肉卷嘅调和下，令到佢嘅咸度恰到好处。点埋蜜糖南瓜蓉同鹅肝汁一齐食，带出咗一种好特别嘅甜味，同肉卷本身嘅味道好夹，完全唔会觉得多余。Main Course：Roasted Stuffed US Turkey栗子同火鸡可以话系圣诞大餐嘅指定组合，甚至被认为系最能够代表到圣诞节嘅味道。呢道火鸡嘅肉质好软熟嫩口，淋上百里香香草汁，食落无咁干身之余仲惹味咗好多，想清新少少嘅话，仲可以点埋隔离嘅红莓酱。另外我最欣赏嘅，就系大厨向薯蓉配搭上所花嘅心思，混合咗栗
讲味道之前，特别要赞一赞佢嘅摆盘，深蓝色嘅水纹玻璃碟营造咗一个好似海洋咁样嘅感觉，加上砌到好似花一样精致嘅鱼片同埋沙律菜，未食已经觉得好fresh。 味道方面，烟剑鱼好重咸香味，质感似Parma Ham，但就更加细滑，连埋酸酸甜甜嘅鲜橙一齐食，特别开胃，算系一款比较浓味嘅开胃菜，但就仍然keep到清新嘅感觉。
Italian Smoked Swordfish
93 浏览
0 赞好
0 留言
Appetizer：Pan Fried Quail Ballotine
鹌鹑肉卷最外层由烟肉所包住，而内层嘅质感就好似mousse一样咁柔软，原本以为烟肉会好咸，但向成件肉卷嘅调和下，令到佢嘅咸度恰到好处。点埋蜜糖南瓜蓉同鹅肝汁一齐食，带出咗一种好特别嘅甜味，同肉卷本身嘅味道好夹，完全唔会觉得多余。
Pan Fried Quail Ballotine
87 浏览
0 赞好
0 留言
Main Course：Roasted Stuffed US Turkey
栗子同火鸡可以话系圣诞大餐嘅指定组合，甚至被认为系最能够代表到圣诞节嘅味道。呢道火鸡嘅肉质好软熟嫩口，淋上百里香香草汁，食落无咁干身之余仲惹味咗好多，想清新少少嘅话，仲可以点埋隔离嘅红莓酱。另外我最欣赏嘅，就系大厨向薯蓉配搭上所花嘅心思，混合咗栗子蓉之后，多咗一种甘甜，同火鸡嘅肉味好夹，如果用返普通嘅薯蓉，效果肯定会差一截。
Roasted Stuffed US Turkey
76 浏览
0 赞好
0 留言
Main Course：Slow Roasted Black Cod
其实块黑鳕鱼扒本身就煮得唔错嘅，鱼肉嫩滑多汁之余，切落去又唔会话散哂咁，都算结实。但我就麻麻地佢嘅酱汁同埋配菜：酱汁系黄粟蓉，好似稠身嘅粟米羹咁，味道清清地，但就做唔到突出鱼味/鲜味嘅效果。而隔离𠮶只酿番茄就向面头加咗浓味嘅香草，反而有啲霸道，盖过咗鱼嘅鲜味。至于橄榄鳀鱼蓉嘅味道就更加唔讨好，可能系我地唔识欣赏啦。畀我拣嘅话，就一定会揾其他蔬果做配搭。
Slow Roasted Black Cod
106 浏览
0 赞好
0 留言
Dessert：Christmas Pudding
Christmas Pudding系圣诞节一种常见嘅传统甜品，主要系由葡萄干所组成，而今次呢款布甸就混合咗白兰地汁。佢嘅质感同我地平时食开嘅布甸完全相反，比较干硬同粗糙，但就好香葡萄味，所以最好就系配埋呍呢嗱雪糕一齐食，一硬一软，一干一湿，形成咗一种互补嘅味觉效果。
Christmas Pudding
112 浏览
0 赞好
0 留言
张贴
