Coffee Spec (已結業)

7月头同老公黎左呢间野试....估唔到有惊喜！佢有两层的，所以多人的话都唔怕无位，不过要订位就真，因为我都见一路都有人出出入入！首先，佢个猪手....真系又香又脆，又大件，两个人差点食唔哂，个蜜糖芥末酱又够蜜糖味！佢上枱前会问一问你洒唔洒少量酒精做火焰猪手，如果唔岩酒精既人可以同佢讲唔洗，我个人认为本身猪手皮已经够脆！加上我俩都不好酒精！所以我地无加，一样咁好味！赞！猪肋骨又够肉汁，唔会制得太干！赞！佢d花茶又够清香！老公饮左个特浓古古力！佢都话好香！ps:其实呢间餐厅应该系主打咖啡，但可惜我同老公都唔好咖啡，请见谅未能比意见！甜品又是另一值得一试的！因为我本人不太好甜品的，但我都觉得甜品好味！因为佢唔会甜到漏个种！好清！今晚甜品系日本芝士蛋糕！（呢个唔记得影相）下次会带朋友食生日饭试一试佢既diy蛋糕～因为佢个蛋糕雪柜好吸引！下次再报告^^最后要补充服务员既服务....很细心，只猪手太大只，服务员见到我地既反应...主动问我地洗唔洗帮手切...好快手就帮我地切好...又不会切到浪费猪手肉！