隠家拉麵工場 (已結業)

唔系朋友介绍真系唔知呢度有间沾面店！佢系西九苹果商场入面，唔系登揾佢都唔知呢度有间食店。黎到呢间隠家拉面工场，首先第一下眼比我既感觉系真系好日本😳门口就有一部自动贩卖机，自己选好要边款沾面之后，入钱、攞单，坐低就可以等食la。每枱都有柠檬水比你饮，仲有芝士粉、辣椒酱、炸蒜、昆布醋，可以自己按口味落。整体黎讲，呢间沾面性价比算好高，$80有找而且质素都几高🥰 1⃣️隠世白伝（$79） 呢度三款沾面嗌，包括隠世白伝、隠世黑伝，同埋隠世赤伝，分别系豚骨、黑蒜油同埋蕃茄味。第一次黎食紧系要食番个原味豚骨既啦！沾面汁好浓厚，有好多葱、芝麻，仲有鱼介粉同印住舖头名既紫菜，食食下仲食到有啲柚子皮系入面𣵚，令到成个沾面食落冇咁腻。  配料方面有两大件叉烧，叉烧既边位有啲肥肉，肥瘦均匀，唔会干柴，几香带少许油脂感🤤而沾面亦都好正！烟韧度好够，挂汁能力一流😍呢度仲可以免费要加多啲面底，大胃王都啱食👍呢度既溏心蛋都好好食，好流心，而且食到腌过既香味。  食完记得要叫店员加汤饮埋个沾面汁佢，加完汤之后唔会太咸，鱼介味好好入口，好正！  2️⃣饺子（$38） 饺子系冰花煎饺😍见到都开胃。煎得够脆，唔错！