影片
更多
2015-11-01
527 浏览
晚餐同老婆亚仔留港食私房菜，落船老婆大人话要揾个静静坐得舒服嘅地方饮茶食点心。天呀！又静又食点心，跟本佢就系一心黎呢到食 =.=对上一次黎厚福街已系差唔多 3 年前嘅事，估唔到系呢到所有铺头转哂嘅情况下，呢间点心舖仲屹立不到，果然有点料子。老婆大人话食物水准真系有返咁上下先顶得到（唔知以为间舖佢有份 =.=)由于只系 11点半，唔系繁忙时段，所以即有位坐，跟住就 tick tick tick 点餐纸。虽然老婆大人茹素，但同我出街食嘢都会食少量海鲜（对唔住啊老婆大人~)，但见点心纸有好多款都啱佢食，所以就点咗呢堆：我点嘅：1. 鲜虾长春卷：上次老婆大人话怕太热气冇叫，所以今次叫返 (上次已见有个 「」架喇)。上菜时热辣辣（真系要小心热），入面真系有虾架（废话）。记得曾响永利食过类似嘅，但好似唔系虾，仲要咬落去好似炸春卷皮咁。所以真系食到有虾果种激动法真系好难形容～2. 沙律明虾角：同虾有仇 & 今日好想食好多炸物，所以点埋呢个。同长春卷一样，上菜时劲热。只只饺都质到爆...3. 墨西哥叉烧包：本身以为「墨西哥」系 gimmik，求其比个地方名个叉烧包就算，估唔到真系比墨西哥包我。入面好多
对上一次黎厚福街已系差唔多 3 年前嘅事，估唔到系呢到所有铺头转哂嘅情况下，呢间点心舖仲屹立不到，果然有点料子。老婆大人话食物水准真系有返咁上下先顶得到（唔知以为间舖佢有份 =.=)
由于只系 11点半，唔系繁忙时段，所以即有位坐，跟住就 tick tick tick 点餐纸。虽然老婆大人茹素，但同我出街食嘢都会食少量海鲜（对唔住啊老婆大人~)，但见点心纸有好多款都啱佢食，所以就点咗呢堆：
我点嘅：
1. 鲜虾长春卷：上次老婆大人话怕太热气冇叫，所以今次叫返 (上次已见有个 「」架喇)。上菜时热辣辣（真系要小心热），入面真系有虾架（废话）。记得曾响永利食过类似嘅，但好似唔系虾，仲要咬落去好似炸春卷皮咁。所以真系食到有虾果种激动法真系好难形容～
2. 沙律明虾角：同虾有仇 & 今日好想食好多炸物，所以点埋呢个。同长春卷一样，上菜时劲热。只只饺都质到爆...
3. 墨西哥叉烧包：本身以为「墨西哥」系 gimmik，求其比个地方名个叉烧包就算，估唔到真系比墨西哥包我。入面好多叉烧（记住，入面又系劲热），其中一个我撩咗 d 叉烧出黎食后比个皮老婆大人食，佢都话个墨西哥包好好食，好软味道好好，仲发傻话不如问吓会唔会只有墨西哥包卖，打包一打半打拎返澳门食 (亲....好食都唔驶叫人特登整比你嘛....
老婆大人点咗：
4. 凉伴云耳：其实我地唔知会系辣嘅，但好彩唔系好麻辣，因为老婆大人好憎食麻辣，如果唔系我要一个哽哂佢。亦因为主要真系「麻」而唔系「麻辣」，所以我同老婆话超好食，云耳仔好爽啊～～
5. 布拉肠粉：即斋肠，但又有少少蒽花果 d。上次食过肠粉，跟本揾唔返有咁滑嘅肠粉。我怀疑老婆大人佢话黎嘅其中一个目的系为肠粉。呢间肠粉仍然好滑好好味。上次食有料嘅食唔出肠粉嘅米香，但今次真系食得出米香喇。因为太好食，追加咗一碟...
6. 海鲜球：冇期望系咩，老婆大人话少少海鲜 ok 啦。但....嗯....食完我都唔知呢几粒除咗有章鱼粒外有咩成份。感觉上似打边炉果 d 丸...
埋单紧紧唔驶 $200，两个人饮茶加上唔驶等黎计，真系好鬼抵。响呢到饮茶食点心，平民价钱，但感觉上好似高贵咗咁，唔怪得老婆大人话要黎啦~
***好少一间食肆写两次食评，唔系老婆大人事后话怕少人知冇咩人黎，下次黎间点心舖会被消失，所以迫我一定要写多一次呢间食评，好唔好都起码有人知㖞。睇黎佢真系好钟意呢间点心舖***
题外话/补充资料：
唔知系咪因为服务员真系好比私人空间我地，佢地唔 yap 手都唔会过黎。就算食完嘢都冇人黎收，只会咁啱送食物比隔离枱时见到食完先收。好嘅就真系完全冇人骚扰你边食边被昅，唔好嘅系叫人黎收嘢 or 再 order 时有点唔好意思
(以上食记乃用户个人意见 , 并不代表OpenRice之观点。)
张贴