富臨酒家

营业中

休息中

街坊酒楼，食物唔算贵，味道自然正正常常，不过得以嘅系我觉得好食嘅𩠌，同行朋友觉得唔好食，我觉得麻麻地嘅，同行又觉得好食。清蒸大闸蟹（$68只）又到大闸蟹季节，见到酒楼有卖，今年又未食过就试下。约3两细蟹，三个人食叫了3只，黎得两份食蟹工具和醋，要叫侍应拎多把剪刀。满心期待，可惜我的蟹膏唔算多，唔香，而且有少少苦，有啲失望。不过同行就话佢𠮶只蟹唔错。杏汁炖白肺份量多，虽然写4人份量，但应该有超过8小碗。我觉得几好饮，不过同行朋友话猪肺麻麻。蜜椒脆鳝球调味调得几好，炸得都好香脆，就系鳝唔够。肥美，同行友人话有啲腥。红烧花胶豆腐食完头三样唔够饱，原本想叫特价龙虾配伊面，但侍应话大闸蟹已经特价咗冇得再叫，咁唯有叫第二样红烧花胶豆腐。豆腐份量足，相比之下花胶就自然显得少和细旧，不过味道我几钟意。橎桃大寿包冇人生日，不过就系想食。寿包几大个，莲蓉都多，入面仲有半只细咸蛋黄。朋行友人话咸蛋黄小，唔太好咸蛋黄嘅我就觉得啱啱好。